मित्रांनो खाजगी क्षेत्रातील कर्मचाऱ्यांची सेवानिवृत्ती सुधारण्यासाठी कर्मचारी भविष्य निर्वाह निधी संघटना (EPFO) ची स्थापना करण्यात आली. कर्मचाऱ्यांसाठी सेवानिवृत्ती निधी उभारण्यासाठी, दरमहा कंपनी आणि कर्मचारी पीएफ (provident fund) मध्ये समान रक्कम जमा करतात. यावर सरकार वार्षिक व्याजही देते. सध्या पीएफवर 8.15 टक्के व्याज आहे.
मित्रांनो आम्ही सांगितल्याप्रमाणे, ईपीएफमध्ये जमा केलेली रक्कम ही निवृत्ती निधी आहे, परंतु गरज पडल्यास ती काढता पण येते. प्रत्येक गरजेसाठी निधी काढण्यासाठी सरकारने काही नियम केले आहेत. जर तुम्हाला पण पीएफमधून पैसे काढायचे असेल (pf advance withdrawal limit in marathi) तर आज आम्ही तुम्हाला सांगणार आहोत की, कोणत्या कारणासाठी किती पैसे काढता येतात.
उपचार, लग्न किंवा घर बांधण्यासाठी पीएफमधून पैसे काढायचे आहेत, मग जाणून घ्या लिमिट किती आहे? |pf advance withdrawal limit in marathi
पीएफमधून कधी आणि किती पैसे काढता येतात?
कर्मचारी एकाच वेळी पीएफ फंडातून पूर्ण किंवा आंशिक पैसे काढू शकतात. यासाठी काही नियम करण्यात आले आहेत. ते नियम आपण खाली प्रमाणे जाणून घेऊया.
पीएफमधून पूर्ण पैसे काढण्याचा नियम काय आहे?
कर्मचारी सेवानिवृत्त झाल्यावर संपूर्ण रक्कम एकाच वेळी काढता येते.
जर कर्मचारी एक महिना किंवा त्याहून अधिक काळ बेरोजगार असेल तर तो PF च्या 75 टक्के रक्कम काढू शकतो. बेरोजगारीच्या बाबतीत तो पुढील दोन महिन्यांत उर्वरित 25 टक्के रक्कम काढू शकतो.
आंशिक निधी काढण्याचे नियम
कर्मचारी त्यांच्या आपत्कालीन गरजा पूर्ण करण्यासाठी आंशिक निधी वापरू शकतात. वेगवेगळ्या गरजांसाठी किती रक्कम काढता येईल याबाबत सरकारने काही नियम केले आहेत.
उपचारासाठी किती पैसे काढू शकतो?
तुम्हाला मेडिकल इमर्जन्सीसाठी पीएफ निधी काढायचा असेल, तर तुम्ही मूळ पगाराच्या सहा पट रक्कम किंवा पीएफमधील कर्मचाऱ्यांच्या शेअरमधील एकूण जमा रक्कम आणि व्याजाची रक्कम यापैकी जी कमी असेल ती काढू शकता. या मधून कर्मचारी स्वत:, मुले, जोडीदार आणि पालकांच्या उपचारांसाठी रक्कम काढू शकतो.
लग्नासाठी किती पैसे काढू शकतो?
जर तुम्ही लग्नासाठी PF मधून पैसे काढत असाल तर 7 वर्षांची सेवा असणे आवश्यक आहे. कर्मचारी स्वतःच्या, मुलाच्या किंवा मुलीच्या, भाऊ किंवा बहिणीच्या लग्नासाठी पैसे काढू शकतो. रकमेबद्दल बोलायचे तर, कर्मचारी त्याच्या एकूण ठेवीपैकी फक्त 50 टक्के रक्कम काढू शकतो.
शिक्षणासाठी किती पैसे काढू शकतो?
अकाउंट फोल्डर हा त्याच्या किंवा तिच्या मुलांच्या शिक्षणासाठी कर्मचाऱ्यांच्या पीएफमधील फक्त 50 टक्के रक्कम काढू शकतो. यासोबतच त्यांनी 7 वर्षे सेवा असणे बंधनकारक आहे.
जमीन खरेदी करणे आणि घर खरेदी करणे किंवा बांधण्यासाठी किती पैसे काढता येतात?
जर तुम्ही घर बांधण्यासाठी पीएफचे पैसे काढत असाल तर तुम्हाला 5 वर्षांची सेवा करणे बंधनकारक आहे. जमीन खरेदी करण्यासाठी, कर्मचारी पीएफमधून त्याच्या मूळ आणि महागाई भत्त्याच्या 24 पट रक्कम काढू शकतो. त्याच वेळी, घर खरेदी करण्यासाठी कर्मचारी मूळ आणि महागाई भत्त्याच्या 36 पट रक्कम काढू शकतात.
यासोबतच इतरही काही अटी आहेत, ज्यामध्ये घर किंवा जमीन कर्मचाऱ्याच्या नावावर किंवा पती-पत्नीच्या संयुक्त नावावर असावी. जमीन किंवा घर खरेदी करण्यासाठी संपूर्ण सेवेदरम्यान फक्त एकदाच पैसे काढता येतात. पैसे काढल्यानंतर घराचे बांधकाम 6 महिन्यांत सुरू झाले पाहिजे आणि 12 महिन्यांत बांधकाम पूर्ण झाले पाहिजे.
गृहकर्जाच्या परतफेडीसाठी किती पैसे काढता येतात?
गृहकर्जाची परतफेड करण्यासाठी पीएफ फंडातूनही पैसे काढता येतात. त्यासाठी दहा वर्षांची सेवा असणे आवश्यक आहे. यासाठी कर्मचारी त्यांच्या मूळ आणि महागाई भत्त्याच्या 36 पट रक्कम काढू शकतात. यासोबतच पीएफमध्ये जमा केलेली एकूण रक्कमही काढता येते. किंवा कर्मचारी गृहकर्जाच्या एकूण थकित मुद्दल आणि व्याजाइतकी रक्कम काढू शकतो.
जर तुम्ही गृहकर्जाच्या परतफेडीसाठी पैसे काढत असाल तर हे गृहकर्ज कर्मचारी किंवा पती-पत्नी दोघांच्या नावावर असले पाहिजे. कर्मचाऱ्यांच्या खात्यात एकूण रक्कम 20 हजार रुपयांपेक्षा जास्त असावी. यासोबतच कर्मचाऱ्याला गृहकर्जाशी संबंधित कागदपत्रे ईपीएफओकडे जमा करावी लागतील.
हे सुध्दा वाचा:- पेन्शन पेमेंट ऑर्डर म्हणजे काय? EPFO कडून पेन्शन घेणाऱ्यांसाठी हे महत्त्वाचे का आहे?
होम रिनोवेशन
होम रिनोवेशनसाठी कर्मचारी पीएफचे पैसेही काढू शकतात. यासाठी तो त्याच्या मूळ आणि महागाई भत्त्याच्या 12 पट रक्कम काढू शकतो. यासह, तुम्ही एकूण खर्च किंवा कर्मचाऱ्यांचा हिस्सा आणि पीएफमध्ये जमा केलेले व्याज काढू शकता. ही मालमत्ता कर्मचाऱ्याच्या नावावर किंवा पती-पत्नी दोघांच्या नावावर असावी. होम रिन्यूएशनसाठी पैसे घ्यायचे असतील तर, पाच वर्षांपासून घर बांधले गेले असणे आवश्यक आहे.
सेवानिवृत्तीपूर्वी आंशिक पैसे काढणे
जर एखाद्या कर्मचाऱ्याने वयाची 58 वर्षे पूर्ण केली असतील, तर तो निवृत्तीच्या एक वर्ष आधी पीएफमध्ये जमा केलेल्या एकूण रकमेपैकी 90 टक्के रक्कम काढू शकतो.
Note- मित्रांनो तुम्हाला ही पोस्ट कशी वाटली कमेंट मध्ये नक्की कळवा आणि आपल्या Facebook, Instagram आणि Sharechat वरील @Dnyan _Shala या पेजला नक्की फॉलो करा.